Доимий ногиронликка ўтсам бўладими?

Ёшим 27 да, болаликдан кўзим бўйича ногиронликда тураман, дастлаб III гуруҳ, бир неча йилдан кейин II гуруҳ ногиронлигидаман. Ногиронликка ўтганимга 15 йилдан ошди, ташхис туғма миёпияни оғир даражаси, минус 20 ма кўзойнак тақаман кўз ўзи -23, -24. Ҳар йили ногиронликни узайтириш учун камиссиядан ўтаман. Мен доимий ногиронликга ўтсам бўладими?

Ўзбекистон Республикаси Вазирлар Маҳкамасининг Тиббий-меҳнат експертиза хизмати бошқариш тузилмасини ва фаолиятини ташкил етишни такомиллаштириш чора-тадбирлари тўғрисидаги 2008 йил 8 августдаги 175-сонли қарори 6-иловасида Тиббий текширишдан қайта ўтказиш муддати кўрсатилмасдан ногиронлик гуруҳи белгиланадиган касалликлар рўйхати белгиланган бўлиб унинг 5-бобида кўз шикастланиши ва касалликлари келтирилган.

Бизнингча сиздаги ҳолат ҳар икки кўзнинг тўлиқ кўрлиги, ҳар икки кўзнинг кўриш ўткирлиги пасайиши ва энг яхши кўрадиган кўзда 0,03 гача коррексия ёки барқарор ва тиклаб бўлмайдиган ўзгаришлар натижасида ҳар икки кўзнинг кўриш майдони 10 градусгача консентрик торайиши. Бандига тушади.

Бундай ҳолатда сиз ўзингиз яшаётган тумандаги Тиббий меҳнат эксперт комиссияларига мурожаат қилишингиз мумкин. Улар сизнинг ҳолатингизни ўрганиб чиқиб доимий ногиронликка ўтишингиз мумкин бўлади.

Манба: Yuridik.uz

“Disability Rights” – Ногиронлиги бўлган шахслар ҳуқуқи Махсус тўплами телеграм каналига аъзо бўлинг

Fikr bildirish

Email manzilingiz chop etilmaydi. Majburiy bandlar * bilan belgilangan

Tepa