Ногиронлиги бор шахснинг бола парвариши таътили даврида ишга чиқишига тусқинлик қилиш тўғрими?

Мен болаликдан II гуруҳ ногирониман. Мактабда ишлар эдим, бола парваришида эдим. Фарзандим 1 ёш ишга қайтмоқчи эдим раҳбаримиз ишга олишдан бош тортди. Шу тўгрими?

Меҳнат кодексининг 233-моддасига мувофиқ аёлларга туққунга қадар етмиш календарь кун ва туққанидан кейин эллик олти календарь кун (туғиш қийин кечган ёки икки ва ундан ортиқ бола туғилган ҳолларда – етмиш календарь кун) муддати билан ҳомиладорлик ва туғиш таътиллари берилади. Мана шу таътил тугаганидан кейин ходим ишга чиқиши мумкин.

Шунингдек, ушбу кодекснинг 234-моддасига кўра аёлга, унинг хоҳишига кўра, боласи икки ёки уч ёшга тўлгунга қадар болани парваришлаш учун иш ҳақи сақланмайдиган қўшимча таътил ҳам берилади.

Болани парваришлаш таътиллари даврида аёлнинг иш жойи (лавозими) сақланади.

Демак, сиз йўқорида кўрсатиб ўтилган қоидаларга асосланиб ишга қайтишингиз мумкин. Сизнинг ишга қайтишингизга раҳбарингизнинг тўсқинлик қилиши меҳнат қонунчилигига зид ҳисобланади.

Саволга Нурья БЕРДИНИЯЗОВА,
“Мадад” ННТнинг Қорақалпоғистон Республикаси
Нукус шаҳар ҳуқуқий маслаҳат бюроси
бош мутахассиси жавоб берди.

Манба: “Disability Rights” – Ногиронлиги бўлган
шахслар ҳуқуқи Махсус тўплами

“Disability Rights” – Ногиронлиги бўлган шахслар ҳуқуқи Махсус тўплами телеграм каналига аъзо бўлинг

Fikr bildirish

Email manzilingiz chop etilmaydi. Majburiy bandlar * bilan belgilangan

Tepa