Ногиронлиги бўлган фарзанди бор онага солиқ имтиёзи борми?

Опамнинг 10 ёшли ногирон фарзанди бор, нафақа олади. Уй-жой ховли опамни номида унга қандай солиқ имтиёзлари бор?

Агар жиянингиз доимий парваришлашга муҳтож бўлса,унда опангиз солиқ имтиёзига эга бўлиши мумкин.

Солиқ кодекси 380-моддасига мувофиқ:

– болаликдан ногиронлиги бўлган шахслар, шунингдек I ва II гуруҳ ногиронлиги бўлган шахслар – солиқ тўловчилар қисман (даромадлар қайси ойда олинган бўлса, ўша ойда ҳар бир ой учун меҳнатга ҳақ тўлашнинг энг кам миқдорининг 1,41 баравари миқдоридаги даромадлар бўйича яъни 1.053.693 сўм.) солиқ солишдан озод этилади.

Шуни айтиш керакки, бу имтиёз пенсия гувоҳномаси ёки тиббий-меҳнат эксперт комиссиясининг маълумотномаси асосида берилади:

– болалигидан ногиронлиги бўлган шахс, доимий парваришни талаб этадиган фарзанди билан бирга яшаб, уни тарбиялаётган ота ёки она.

Ушбу имтиёз ҳам пенсия гувоҳномаси ёки соғлиқни сақлаш муассасасининг доимий парвариш зарурлигини тасдиқловчи тиббий маълумотномаси асосида берилади.

Ушбу қоиданинг мазунига мувофиқ опангиз тиббиёт муссасасидан фарзандининг доимий парваришлашга муҳтож эканлиги ҳақидаги маълумотнома асосида даромад солиғи имтиёзидан фойдаланиши мумкин.

Манба: Юрист Хизмати

“Disability Rights” – Ногиронлиги бўлган шахслар ҳуқуқи Махсус тўплами телеграм каналига аъзо бўлинг

Fikr bildirish

Email manzilingiz chop etilmaydi. Majburiy bandlar * bilan belgilangan

Tepa