Жойбардың қысқаша мазмуны: Өзбекстан Республикасы Президентиниң 2019-жыл 9-январь күнги «Жәмийетте ҳуқықый сана ҳәм ҳуқықый мәдениятты жетилистириў системасын түп-тийкарынан раўажландырыў ҳаққында»ғы Пәрманына муўапық, Mehrtilsimi.uz – Cоциаллық-ҳуқықый сайты «SA.KR.UZ» Саламат Авезов жеке веб-сайты басламасы менен ҳуқық ҳәм нызам мәплерини қорғаў, ҳәр тәреплеме раўажландырыў.

Социяллық келип шығыўы, аҳўалына қарамастан жәмийет көлеминде, қайсының тең ҳуқықлы ағзалары сондай-ақ айрықша имтиязлы шахслар есапланады, сондай-ақ мәмлекетлик уйымлары ҳәм шөлкемлери, ҳәкимлик, мәкемелер, жәмәәтшилик ҳәм аймақлық тийисли тараўлардың бирге ислесиўин жолға қойыў, раўажландырыў, беккемлеуў, жуўапкершилигин асырыў ушын көпир ўазыйпасын өтеўге толық тийкарлы бола алады.

Жойбардың мақсети ҳәм ўазыйпасы:

Ўазыйпа 1. Жойбар топарын шөлкемлестириў.

– Заманагөй информация ҳәм ҳуқықый мәденият басқа пуқаралар қатары ҳуқықларыны әмелде қоллап билиўинде тең имканиятлар жаратыў усы тараўдағы жетекши ўазыйпалардан бири. Елимиз тез пәт пенен глобал интернет әлемине кирип бармақта, яғный имканияты шекленген майыплығы болған шахслардың кең жәмәәтшилик ҳәм халық пенен сәўбет нәтийжелери ҳәмде тийисли министрлик ҳәм мекемелердиң алып барып атырған социаллық-ҳуқықый белсендилигин, кеўлиндеги меҳир тилсимин сайт арқалы сәўлелендириў.

– Усы жойбарға байланысы бар Қарақалпақстан Республикасындағы айрықша дыққат итибарға мүтәж инсанлар ушын жумыс алып баратуғын мекеме ҳәм шөлкемлер, Өзбекстан Республикасынлағы тийисли сиясий партиялар ЎзЛиДеП исбилерменлер ҳәрекети – Өзбекстан Либерал Демократик Партиясы Қарақалпақстан Республикасы кеңеси, Миллий тикланиш демократик партиясы Қарақалпақтсан Республикасы кеңеси, Әдалат социал демократик партиясы Қарақалпақстан Республикасы кеңеси, Халық демократик партиясы Қарақалпақстан Республикасы кеңеси, Қарақалпақстан Республикасы майыплар жәмийети, қалалық, районлық бөлимлери, ўәзирлик ҳәм мәмлекетлик уйымлар қоллап-қуўатлаўында, Өзбекстан Жаслар аўқамы Қарақалпақстан Республикасы кеңеси, қала, районлық кеңеслери, Кеңес қасындағы республика Жаслар орайы, Республика Сәрдарлар кеңеси, Қарақалпақстан аймағында майыплар менен ислесетуғын шөлкем ҳәм уйымлардың социаллық тараўлардағы алып барып атырған жумысларының бирден бир базасын жаратыў усы жойбардың тийкарғы ўазыйпасының бири.

Ўазыйпа 2. Mehrtilsimi.uz – Социаллық-ҳуқықый сайты.

– Mehrtilsimi.uz – Социаллық-ҳуқықый сайты Қарақалпақстан Республикасы майыплар жәмийети қала ҳәм районлар бөлимлериниң хызмети ҳаққында мағлыўмат, социаллық-ҳуқықый ҳәм майыплығы болған шахсларға дерек мәмлекет тәрепинен кең жаратылған имканиятлар. Майыплығы болған шахслар ҳәм олардың ата-аналарыны ҳуқықый мәнаўий-ағатыршылық көнликпелерини байытыў.

Ўазыйпа 3. www.mehrtilsimi.uz Социаллық-ҳуқықый сайты аймақ ҳәм ҳуқықларыны әмелге асырыўға көмеклеседи ҳәм информацияға жақсы ийе болған – жақсы интеграцияласқан дегени

– Мәмлекетимиз майыплығы болған шахсларға кең имканиятларды жаратып бериўдиң тийкарында социаллық-ҳуқықый қоллап-қуўатлаў, дүнья жәмийетиниң, сондай-ақ, шаңарақ дәрежесинде майыплық мәселелери бойынша билимини асырыў ҳәмде майыплығы бар болған шахслардың ҳуқық ҳәм қәдир-қымматына ҳүрмет қылыўыны беккемлеўде жәрдемлеседи.

– Майыплығы болған шахслар ушын жаңа ҳуқықый мәнаўиятини қәлиплесиўи ҳәм олардың турмыс тәризин еледе жақсылаў бойынша кеңирек мағлыўматлар берип барыў.

Жойбардың әҳмийетлилиги:

Қарақалпақстан Республикасындағы айрықша итибарға мүтәж инсанлар ушын хызмет көрсетип атырған мекеми ҳәм шөлкемлер, Қарақалпақстан Республикасы майыплар жәмийети қала ҳәм районлар бөлимлери, Өзбекстан Жаслар аўқамы Қарақалпақстан Республикасы кеңеси қала ҳәм районлардың қасындағы “Пресс клуб” ғалабалық хабар орайы қасына электрон тәризинде “Мехир тилсими” социаллық-ҳуқықый (мини) орайын шөлкемлестириў. Республикамыздағы 15 қала ҳәм районларында социаллық-ҳуқықый хызмети бойынша Өзбекстан ҳәм дүнья халқын майыплығы болған шахс ҳәмде жасларды мәмлекетимиз қорғаўында екенлигинен хабардар етиў.

Саламат АВЕЗОВ,
Мухаммед ал-Харезмий атындағы ТИТУ Нөкис филиалының
“Оқыў жәрдемши бөлими” кабинет меңгериўшиси,  O‘zLiDeP ағзасы,
балалығынан II-топар майыбы, БЦЛ – Балалар церебрал ләңи диагнозы менен.

Tepa